Оюунлаг сургуулийн 195 саяар барьсан зам, байгууламжийг эвдэж, сүйтгэжээ

8 3988

 

 

Нийслэлийн  Баянзүрх дүүргийн 15 дугаар хорооны нутаг дэвсгэрт байрладаг ерөнхий боловсролын  Оюунлаг сургуулийн удирдлага, хамт олон  хүйтний эрч чангарахаас  өрсөн саяхан гаднах орчноо бүрэн тохижуулж  дуусгажээ.  Тус  сургуулийнхан энхэн донхол ихтэй 150  метр  авто болон явган хүний замыг  өөрсдийн 195 сая төгрөгөөр  цементэн хатуу хучилттай зам болгож шинэчлэх ажлаа дөнгөж дуусаад гуравч хоноогүй байтал  харамсалтай нь  гэнэтийн халдлагад  өртөж, хийж бүтээсэн  тэрхүү замыг нь шөнө дөлөөр бүлэглэж дайрсан  этгээдүүд юу ч үгүй болтол сүйтгэж орхисон байх юм.  Энэ тухай http://factnews.mn/   сайтад анх тавигдсан мэдээллийг лавшруулан шалгаж нягталсны санаа доор товч сийрүүллээ.

Оюунлаг сургуулийн  ойр орчмын  Хос өргөө хотхон, 13 дугаар хорооллын Шинэ сонголт дэлгүүрийн уулзвараас 122 дугаар цэцэрлэг, орон сууны  67, 69, 70 дугаар байр хүртэлх замууд  эвдэрч гэмтээд тоосжилт ихтэй болсон  тул автомашин байтугай явган хүн ч зорчиход  хүндрэлтэй  болоод байжээ. Иймээс  УИХ-ын гишүүн Ж.Энхбаяр, Нийлэлийн Иргэдийн төлөөлчгдийн хурлын төлөөлөгч Ч.Гантулга нар дэмжлэг үзүүлэн  хөрөнгийг нь тийнхүү тус сургуулиас  гаргуулан замыг нь засуулсан байв.  Гэвч сайн юманд садаа мундахгүй гэгчээр  гэнэт энэ сарын 19-ны шөнө   уг зам зассан газрыг нь "Энэ чинь манай газар” хэмээн Булган аймгийн уугуул, аймгийн арслан А.Отгонбаатар  тэргүүтэй   биерхүү, лагс бахим гучаад эрчүүдийг дайчлан  195 сая төгрөгөөр босгосон тэрхүү замыг эвдэн нурааж эхэлжээ.

Нийтийн эзэмшлийн зам талбайг хаасан барилга байгууламж барихыг хуулиар хориглодог.  Тэр бүх хуулийн заалтыг уландаа гишгэн  Оюунлаг сургуулийн хүч хөрөнгөөр хийсэн хатуу хучилттай замыг нь гуравхан хоногийн дараа эвдэхдээ тэнд хуучин байсан хашааг нь хүртэл нурааж, дараагийн шөнө нь дахиад шинээр хашаа барих гээд  тэр хавийн оршин суугч иргэдийн эсэргүүцэлтэй тулгарч, улмаар бөх байрын залуучуудаараа иргэдийг гэмтэж бэрттэл зодуулжээ.

  Гурав дахь шөнийн  дайралтын үеэр хоёр хүний биед  хүндэвтэр гэмтэл учирсан  бөгөөд   оршин суугчид нь энэ талаар  Баянзүрх дүүргийн Цагдаагийн хэлтэст мэдэгдэхэд  зарим ажилтнууд нь "Ням гарагийн амралтын цагаар бид үйлчлэхгүй” гэсэн хариу өгсөн нь тун хачирхалтай юм. Мөн Нийслэлийн цагдаагийн шуурхайн албаныханд мэдэгдэхэд  "Үймээн болсон газарт барилгын ажил эхлээгүй л байсан юм билээ. Тиймээс  энэ асуудлууд чинь манайд хамаагүй”  гээд  яваад өгчээ.  Түүнчлэн гэмтсэн хоёр хүнийг Гэмтэл согог судлалын үндэсний төвд хүргэж өгөхөд тэндэхийн жижүүрийн эмч нар нь "Наад хүмүүсээ нэгдүгээр эмнэлэг рүү аваад яв. Дотуур гэмтэлтэй байж магадгүй” гэх ухааны юм яриад толгойных нь хэсэгт  хэдэн оёдол тавьж өгсөн болоод  явуулсан байлаа. 

Эдгээрээс анзаарахад эзэн хаяг нь тодорхойгүй этгээдүүд   хууль бус үйлдлүүдээ нууж хаахын тулд эмнэлэг, цагдаагийн байгууллагынхантай үгсэн хуйвалдсан байж болзошгүй юм. Тэдний эвдэн сүйтгэх, иргэдийг зодож дарамтлах  ажил цаашид хэрхэн өрнөхийг одоогоор таашгүй ажээ. Тиймээс тус орчны иргэд ,оршин суугчид тус үйл ажиллагааг Нийслэлийн газрын алба болон холбогдох хуулийн байгууллагууд хяналт шалгалт хийж асуудлыг шийдвэрлэхийг шаардаж байгаа аж.

  

Засагдсан зам талбай 

Засагдахын өмнөх 

О.Баяр

Шуурхай.мн 


 

Холбоотой мэдээ

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Tonshuul.mn хариуцлага хүлээхгүй болно.

Сэтгэгдэл:
Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
8 сэтгэгдэл
:

Хогийн цэг шиг л газар байсан арай хийж гоё болгож байхад нь ингэх ч гэждээ

:

хэдэн жилийн өмнө хэдэн нөхдүүд энэ газарт барилга барина гэж газар ухаад шугам хагалаж 13-ийнхан маань хэдэн өдөр ус, нойлгүй болж баларсан. энэ газрыг нийтийн эзэмшилийн гудамж талбай хэвээр байлгах хэрэгтэй

:

Хүүгээ цэцэрлэгт хүргэхэд энэ замаар явдаг, зам тавихаас өмнө бол үнэхээр хэцүү л зам байлаа шдэ нил шороо шалбааг байлаа шдэ

:

Энэ зам үнэхээр хүн гэлтгүй машин явахад хүртэл хэцүү зам байсан. Яагаад ингэж нэгнийхээ хийсэн бүтээсэнг нурааж байдаг юмбэ. Иргэн хүний үүднээс харамсаж хэлэх ч үг олдохгүй байна

:

Энэ монгол бөхчүүд гэж даварсан хулгайч нар болжээ ард түмэн нь хушуу дэвсэж хиртэй хөлсийн долоогоод баячууд нь жийп бэлгэлж хөөрцөглөөд эцэст нь ийм л махан толгойтнуудын арми бий болгож байна шүү дээ цагдаа хуулийнхан ч дийлэхээ байсан байна ард түмэн АКА- аар л шүрших үлдэж байх шив

:

Юм хийж бүтээхгүй хүний хийсэн бүтээмнийг харахаараа нүд нь хорсдог балиар амьтад вэ. Наад газар чинь ерөөсөө нийтийн эзэмшлийн талбай байна. Газар эзэмших зөвшөөрлийг нь цуцалж замын үнийг хэд дахин нугалж төлүүлэхийг шаардаж байна.

Мөд энэ хэдэн гражыг зайулуулж хүмүүсийг бухимдуулах байж нийтийн эзэмшлийн талбай байна ш дээ. Луйвараар авсан байхдаа замыг төлүүл.

:

энэ хаана юм бэ?

:

Yamar ichdeggui yum be. Irged hichneen ih bayarlaj bailaa. Getel arai ch dee. Yaj hunii hodolmoriig ingej suitgej chadaj bainaa. Mungun dungèer ni 4 nugalj tuluulj hatiustlaga tootosh heregtei.