Роналду 1,2 саяын цагаар гангарав
Өчигдөр орой Италийн "Ювэнтус” багийн довтлогч Криштиану Роналду Аваргуудын лигийн хүрээнд Английн "Манчестер Юнайтэд” багтай тоглосон билээ. Тоглолтын өмнө болсон хэвлэлийн бага хуралд оролцохдоо Роналду зүүн гартаа цагаан бриллиантаар чимэглэсэн Franck Muller швейцарь брэндийн бугуйн цагийг зүүсэн байлаа. Түүний зүүсэн загвар Franck Muller 7008 T INV C INV гэдэг нэртэй бөгөөд үнэ нь 1,2 сая фунт стерлинг аж.
Энэ цагийг авах гэж Криштиану сарын цалингийнхаа бараг хагасыг зарцуулсан нь юу л бол. Тэрбээр сард 2,3 сая фунт стерлингийн цалин авдаг билээ. Роналду Franck Muller брэндтэй сурталчилгааны гэрээ байгуулсан нэгэн. Тус брэндийг 1992 онд Швейцарийн иргэн Фрэнк Мюллер үүсгэн байгуулжээ. Хамгийн хямд загвар нь 5000 долларын үнэтэй.
2000 оны сүүлээр тус брэндийн нүүр царайгаар Жозе Моуринью ажиллаж байсан юм. 2009 онд Franck Muller Моуриньюд зориулсан цөөн тооны цагийг үйлдвэрлэсэн байдаг. Тэр цаг нэг ширхэг нь 35 мянган еврогийн үнэтэй байжээ. Ердөө 41 ширхэгийг үйлдвэрлэсэн бөгөөд Жозе цаг болгон дээр гарын үсгээ зурсан аж.
