Английн "Челси" клубийн хагас хамгаалагч Оскар ирэх онд БНХАУ-ын лиг рүү явахаар болсон билээ. Түүнийг Английн клуб нэгдүгээр сарын өвлийн цонхоор Хятадын "Шанхай SIPG" клубт 52 сая фунтаар зарахаар болжээ. Энэ солилцооны ачаар Оскар дэлхийн хамгийн баян хөлбөмбөгчин болж байна. Түүнийг багтаа авчрахын тулд хятадууд долоо хоногт 400 мянган фунт буюу жилд 20.8 сая фунтын цалин амлажээ. Ингэснээр Оскар манай гаригийн хамгийн баян хөлбөмбөгчин болох юм. Тодруулбал, бразил эр өдөрт 57,143 мянган фунт олох бол цагт 2,381 фунт, минутад 39 фунт олох гэнэ

МАНАЙ ГАРИГИЙН ХАМГИЙН ӨНДӨР ЦАЛИНТАЙ ХӨЛБӨМБӨГЧИД

Долоо хоногоор (жилээр)

1. Оскар (Шанхай) 400 мянган фунт,  20.8 сая 
2. К.Роналду (Реал Мадрид) 365 мянган фунт,  19 сая 
3. Л.Месси (Барселона) 365 мянган фунт,  19 сая
4. Г.Бэйл (Реал Мадрид) 346 мянган фунт,  18 сая
5. Халк (Шанхай) 317 мянган фунт,  16.5 сая
6. П.Погба (Манчестер Юнайтед) 290 мянган фунт, 15 сая
7. Неймар (Барселона) 289 мянган фунт, 15 сая
8. Г.Пелле (Шанхай) 260 мянган фунт, 13.5 сая
9. У.Руни (Манчестер Юнайтед) 260 мянган фунт, 13.5 сая
10. З.Ибрахимович (Манчестер Юнайтед) 250 мянган фунт, 13 сая

Түүний цалинг монгол төгрөгт шилжүүлвэл ойролцоогоор 1.2 тэрбум төгрөгийг долоо хоногт халаасална. Оскарын цалин нь өдгөө хөлбөмбөгийн ертөнцийн өнгийг тодорхойлж буй К.Роналду, Л.Месси нараас 35 мянган фунтаар илүүг авч байгаа юм. Испанийн "Барселона" клуб довтлогч Луис Суарестай шинэ гэрээ байгуулсан. Энэ гэрээгээр уругвай довтлогч долоо хоногт 240 мянган фунтын хөлс авахаар тохиролцсон нь түүнийг жагсаалтын эхний аравт бичигдэхэд хүрэлцсэнгүй.

unuudur.mn