Франц болон Герман улс энэ сарын 22-нд Ахен хотод хамтран ажиллах тухай шинэ гэрээнд гарын үсэг зурна гэж Елисейн ордон мэдэгджээ.

 

Энэхүү гэрээ нь Дэлхийн хоёрдугаар дайны дараах Франц болон ХБНГУ-ын нөхөрсөг харилцааг дэмжсэн Елисейн гэрээний зүйл заалтууд дээр үндэслэх аж. Шинэ гэрээ нь Франц болон Германы улс төр болон эдийн засгийн харилцаа холбооны асуудлыг хөндөөд зогсохгүй аюулгүй байдал, боловсрол, соёл, шинжлэх ухааны салбар, уур амьсгалын өөрчлөлттэй тэмцэх асуудлуудыг багтаасан байна.

55 жилийн өмнө байгуулсан Елисейн гэрээг шинэчлэхэд бэлэн байгаагаа Германы канцлер А.Меркель Парис хотод өнгөрсөн оны 1 дүгээр сарын 19-нд болсон хэвлэлийн бага хурлын үеэр мэдэгдэж байжээ. Францын Үндэсний хурал (парламентын доод танхим) болон Германы Бундестаг энэхүү санаачлагыг дэмжсэн байна.