Сануулбал, УИХ-ын гишүүн асан Батж.Баятбаярын хүү Баттөрийн эзэмшлийн "Спэйшл Майнз” компанийн баяжуулах үйлдвэрт өнгөрсөн 2018 оны гуравдугаар сарын 5-ны өдөр цианит алдагдаж хоёр хүн хордож, Улаанбаатарт ирж эмчлүүлсэн байдаг. Түүнчлэн тус уурхайтай, компанитай холбоотой олон асуудал хөндөгддөг.

Энэ тухай Монгол Улсын Ерөнхийлөгчийг тус аймагт ажиллах үеэр хүртэл яригдаж, аймгийн Засаг дарга Г.Батжаргал цианитад хордсон гэж үзэж байгаагаа илэрхийлж байсан баримт бий.

Тэгвэл Баянхонгорчуудын "балаг” болсон "Спэйшл майнз” ХХК өнгөрсөн оны 11-р сараас нэрээ сольж, зүсээ хувиргасан гэх мэдээлэл байна.

Ингэхдээ тус компани Баянхонгорчуудад  "хар тамга” даруулсан  "Спэйшл майнз” нэрээ сольж "Наран Мандал Энтерпрайзес” ХХК болж нэрээ өөрчилсөн байна. Энэ талаар бид эргэн мэдээлж, дэлгэрэнгүй сурвалжлах болно.

А.Тамир

АРДЧИЛАЛ.МН