АНУ-ын "F-35" сөнөөгч онгоцны нийлүүлэлтэд хориг тавихыг санал болгожээ
Турк улс Оросын Агаарын довтолгооноос эсэргүүцэн хамгаалах С-400 системийн нийлүүлэлтээс татгалзахгүй бол тус улсад хийх сөнөөгч-бөмбөгдөгч F-35 онгоцны нийлүүлэлтэд хориг тавихыг тусгасан хуулийн төслийг Америкийн Конгрессын хэсэг бүлэг гишүүд Сенатад танилцуулжээ. Тус хуулийн төслийг Сенатын 4 гишүүн боловсруулжээ.
"F-35-г Туркт нийлүүлэхээс өмнө С-400-гийн нийлүүлэлтээс татгалзсан эсэхийг нь АНУ-ын Засаг захиргаа нотлох хэрэгтэй” хэмээн тус хуулийн төсөлд дурджээ.
С-400-г Туркт ирэх 10 дугаар сараас байрлуулж эхэлнэ гэж Туркийн Батлан хамгаалахын сайд Хулуси Акар өмнө нь мэдэгдсэн байна. Харин Оросын төрийн өмчит "Ростех" корпорацийн тэргүүн Сергей Чемезов мэдэгдэхдээ "С-400 системийг Туркт нийлүлэх тухай гэрээ энэ онд бүрэн хэрэгжих болно” гэжээ.
Сэтгэгдэл байхгүй байна.