Харилцааг муутгасан буруутан нь Орос улс биш гэдгийг Оросын төрийн тэргүүн тодруулан тайлбарлажээ

Оросын тал Турктэй харилцаагаа сэргээхийг хүсч байна гэж ОХУ-ын ерөнхийлөгч Владимир Путин мэдэгдсэнийг РБК агентлаг уламжилжээ.

"Харилцаагаа сэргээхийг хүсч байгаа үгийг (туркийн талын) бид сонсож байна. Бид ч мөн харилцааг сэргээхийг хүсч байгаа. Харилцааг бид муутгаагүй. Орос-туркийн харилцааг түншлэл, нөхөрлөлийн өндөр түвшинд гаргахын тулд бид олон арван жилийн турш бүхнийг хийж ирсэн. Орос, туркийн ард түмний энэ нөхөрлөл үнэхээр маш өндөр түвшинд гарсан юм. Бид энэ нөхөрлөлийг маших үнэлж байсан” гэж оросын төрийн тэргүүн хэлсэн байна.

Харилцааг сэргээх хүслээс гадна, бас үйл ажиллагаа шаардлагатай гэж тэр тодруулан тайлбарлажээ.

"Оросын тал Турктэй холбоо барьж байгаа бөгөөд нөгөө талаас "ямар нэг тодорхой алхам хийхийг” хүлээж байна, гэвч одоогоор ийм алхам хийх гэж байгаа нь харагдахгүй байна” гэж Путин хэлжээ.

Туркийн цэргийнхэн оросын нисэх онгоцыг сөнөөчих юм хэмээн оросын тал төсөөлж ч байгаагүй юм гэж ерөнхийлөгч бас онцлон тэмдэглэжээ.

"Харин бид Туркт туркийн зэвсэгт хүчинтэй байлдах гээгүй, хэрвээ тийм байсан бол өөрөөр, өөр арга хэрэгслээр ажиллах байсан юм. Ийм байдалд хэзээ ч хүрэхгүй байх хэмээн найдаж байна” гэж Путин хэлжээ.

Оросын тал энэ асуудлаар Туркийн талын тайлбарыг сонсож байсан, гэвч уучлал эрсэн үг огт сонсоогүй гэж Оросын төрийн тэргүүн дахин дурджээ.

2015 оны арваннэгдүгээр сарын 24-нд туркийн F-16 сөнөөгч нисэх онгоцСирид оросын Су-24 бөмбөгдөгч нисэх онгоцыг сөнөөсний дараа Турк, Оросын харилцаа муудсан юм. Нисэгч Олег Пешковыгонгоцноосоо үсэрсэний дараа түүнийг газраас буудсан байна. Сүүлд нь Альпарслан Челик гэгч оросын нисэгчийн амь насыг бүрэлгэхэд холбогдолтой гэдгээ хүлээжээ.Түүнийг дөрөвдүгээр сард баривчилсан байна.Пешковыг би буудаагүй, буудах тушаал ч өгөөгүй гэж Челик сүүлд нь мэдэгджээ.Нисэгчийн амь насыг бүрэлгэсэн хэрэгт цэргийн ангийн захирагчийн хувиар буруутай гэдгээ тэр хэлсэн байна.

Гэвч энэ оны тавдугаар сард туркийн прокурорын байгууллага Челикийг буруугүй гэж үзжээ.

С.Инда