Нийслэлийн хэмжээнд гэмт хэргийн гаралтын тоо өдөр ирэх тусам нэмэгдэж байна. Энэ нь нийгэмд ядуурлын тоо ихэсч замбараагүй байдал үүсгээд буйг харуулж байгаа юм. Нийгэм ядуу байгаа нь ийн гэмт хэргийн тоо өсөх шалтгаан ч байх магадлалтай.

 

    Учир нь аижлгүйчүүдийн тоо нэмэгдэж тэд амар хялбар аргаар мөнгө олохын тулд хууль бус үйлдэл гаргаж, гэмт хэрэгт холбогдож байгаа юм. Нийслэлийн хувьд биеэ үнэлэх явдал цэцэглээд байгаа бөгөөд үүнд ямар ч хяналт байхгүй болоод байна.

 

  Залуу охид харийханы өвөрт шургаж халтар хэдэн төгрөгийн төлөө өөрийн цусаа бузарлаж байгаа нь харамсалтай. Мөн хоногийн дотор цагдаагийн байгууллагт гэмт хэргийн шинжтэй 1000 гаруй дуудлага ирж байна.

 

   Энэхүү дуудлагын ихэнх нь хулгай дээрмийн хэрэг байдаг аж. Тодруулбал: Есдүгээр сарын 03-ээс 04-нд цагдаагийн байгууллагад иргэд, аж ахуйн нэгж байгууллагаас гэмт хэрэг, зөрчлийн 1337 дуудлага, мэдээлэл бүртгэгдэж, гэмт хэргийн шинжтэй 38 үйлдлийг  холбогдох нэгжүүд шалган, 30 хэргийн эзэн холбогдогчийг илрүүлжээ. Нийслэлд хүнийг санаатай алах 1 гэмт хэрэг, золгүй байдлаар нас барсан 5 хүн, дээрэмдэх 1 гэмт хэрэг, хулгайлах гэмт хэрэг 10, бусдын биед гэмтэл учруулах гэмт хэрэг 1, танхайрах гэмт хэрэг 6,  зам тээврийн хэрэг 12, осол 10 гарч 16 хүн гэмтэж, 1 хүн нас барсан байна.