ТӨРИЙН АЛБАНЫ МАШИНЫГ ХУВИЙН ХЭРЭГЦЭЭНДЭЭ УНАДАГ ДАРГА Л.БАЯРХҮҮ
Төрийн албаны машиныг хувийн хэрэгцээнд унах нь хуулиараа хориотой. Гэтэл албан байгууллагын дарга нар албаны машиныг амин хувьдаа ашиглаж хэрэглэх тохиолдол гарсаар байна.
Өнөө өглөө гэхэд Сүхбаатар дүүргийн Эрүүл мэндийн дарга Л.Баярхүү эмнэлгийн яаралтай түргэн тусламжийн автомашиныг хувийн хэрэгцээндээ ашиглаж, хүүхдээ сургуульд нь зөөж, ажилдаа унаж байгаа асуудал ил болж, нэлээд шүүмжлэл дагуулав.
Тэрбээр тайлбар өгөхийг эсэргүүцсэн бөгөөд "Манайх амбулторийн үйлчилгээ үзүүлдэг. Яаралтай түргэн тусламж өөр тийшээ шилжсэн байгаа. Энэ унаж байгаа машин байгууллагын үйл ажиллагаанд шаардлагатай машин, яаралтай түргэн тусламжинд явуулдаггүй” гэжээ.
О.Гэрэл
Оллоо.mn