Ойрын өдрүүдэд огцом халсаны улмаас зүрх судасны өвчтэй хүмүүсийн хууч хөдлөх, мөн хүүхэд, хөгшид наранд наршсан, даралт ихэссэн дуудлага Яаралтай түргэн тусламжийн төвд олон ирж ачаалалтай ажилласан байгаа. Хэт халуун наранд гадуур явах их аюултай. Ялангуяа даралт өндөртэй хүмүүс ухаан алдаж унах, даралт харвах аюултай.

Тухайлбал өнгөрсөн амралтын өдөр хэт халуунд гадуур явсаны улмаас ухаан алдаж унаж ГССҮТ-д хүргэгдсэн тохиолдол цагдаагийн байгууллагад бүртгэгджээ. Тодруулбал, СБД-10 "ГССҮТөвд явганаас унаж гэмтсэн хүн ирж хэвтлээ” гэсэн мэдээллийг шалгахад, СБД-11 хороонд суух Б /эр.44н/ нь 08-р сарын 06-ны 18.00 цагийн үед тус хороо 100 айлын гудамжинд явж байгаад хэт халууны улмаас унаж баруун шанаа нь зулгарч хавдсан гэмтэлтэй тус төвийн гавал тархины тасагт хэвтэн эмчлүүлэгдэж байна.

Тиймээс иргэдэд анхааруулахад, энэ халуун өдрүүдэд онцын ажилгүй, гадуур гарах шаардлагагүй бол гэрээсээ гарахгүй байхыг анхааруулж байна.

О.Сайхан