Монгол Улсын газар нутагт  Хятадууд аль хэдийн эзэн суучихаж. Ийн хэлэхийн учир нь БЗД-ийн нутаг дэвсгэрт "Алтан сан” хэмээх цогцолборын барилга байгууламж  баригдаж дуусаад үүд хаалгаа нээхэд бэлэн болсон ч Улсын комисс хүлээж аваагүй гэх шалтгаанаар хаалга нь хаалттай бараг жилийн нүүр үзэж байгаа юм. Гэхдээ үйлчилгээний зориулалттай газрууд нь онгойгоогүй болохоос, айл өрхүүд нь аль хэдийн байрандаа ороод тухалчихсан.

Эл цогцолборын эзэн нь хятад хүн гэдгийг  борлуулалтын албаны менежерүүд нь ч нотлодог. Мөн баригдаж байхад нь хятад иргэд олноороо тэнд ажиллаж байсныг ойр тойрных нь иргэд гэрчилнэ.

Анх баригдаж байхдаа  боломжийн үнэ ханштай гэгдэж байсан ч баригдаж дууссаныхаа дараа үнэ нь нэмэгдсэн. Гэсэн хэдий ч  орон сууцны эрэлт "Мянган оюутны байр”-ны орчимд их байдаг учраас иргэд орон сууцанд нүүж орсоор л байна. Барилга нь баригдаж дуусаагүй байхад шахам  байхад айлууд нь нүүгээд орчихдог нь өнөөдөр байдаг л үзэгдэл мэт боловч хууль дүрэмд бол Улсын комисс хүлээж авсны дараа суурьших учиртай.

Бага сага эдгээр зөрчил байгнаа ч хамгийн гол нь Хятад хүн Монгол Улсын нийслэлд бүхэл бүтэн орон сууц, ахуй үйлчилгээний цогцолбор барьчихсан нь анхаарал татаж байгаа юм. Хэн хятад иргэнд газар авч өгөв. Бурхан гуйсан ч өгөх ёсгүй газрыг хэн харийн хүнд өгөв гэдэг нь л  асуудал…

Тэгвэл монгол хүн Хятадын нутагт барилга бариах нь  битгий хэл ТҮЦ ажиллуулж ч чадахгүй шүү дээ. Энэ нь чадахгүй дээ биш. Иргэд нь улсынхаа хуулийг хэрхэн хэр зэрэг  мөрдөж биелүүлдэгт  учир нь байгаа юм.

Хойноос ирээд хот манайх хотонд ороод хуц манайх  гэгчээр шугамын холболт болон газар шорооны ажил нь 3 сар шахам үргэлжилж ойр орчмын оршин суугчдын тав тухыг алдагдуулсаар л байна.

Мянган оюутны байрнаас Монел өөд өгсөх авто замыг хөндлөнгөөр нь 2 м орчим өргөнтэйгээр хуулж,  цементэн хоолой суулгаж автозамыг сүйтгэж байгааг нь ойр хавийн оршин суугчид, жолооч нар "Алтан сангийнхан хулгай хийж байгаа юм”  гэж  ярьж  байна. Энэ нь үнэнийы ортой ч байж мэднэ. Хоёр эгнээ замыг ийнхүү ухсан нь замын хөдөлгөөнд саад учруулаад зогсохгүй, нарийн замд зөрж буй автомашинууд шүргэлцэх, мөргөлдөх осол ихэссэн байна.

Байдал ийм байхад БЗД-ийн Засаг  дарга болон  5, 22  дугаар хорооны Засаг дарга нар чимээгүй л байна. Нутаг дэвсгэрт нь орон сууц, үйлчилгээний цогцолбор барьсан бийлэгжүү хятад иргэнтэй халаас нэг болчихоогүй  бол дуугарах л ёстой баймаар.

http://erennews.mn/article/26590