Месси Ла лигт 34 дэх хет-трикээ хийж, Роналдогийн амжилтыг давтлаа
|
Испанийн Ла лигийн 13 дугаар тойргийн хүрээнд "Барселона" клуб талбайдаа "Сельта"-г 4:1-ээр буулгаж авсан билээ. Энэ тоглолтод багийн "хөдөлгүүр" Лео Месси хет-трик хийсэн. Тэрбээр хоёр ч гайхалтай чөлөөт цохилтыг гүйцэтгэж, хоёуланг нь гоол болгосон юм. Ингэснээр Месси Ла лигт 34 дэх удаагаа хет-трик хийж байгаа нь энэ ажээ. Энэ амжилтаараа Роналдогийн "Реал"-д 2009-2018 он хүртэл тоглохдоо тогтоосон рекорд амжилттай зэрэгцэж ирлээ. Месси Ла лигт 459 тоглолт хийхдээ ийм тооны хет-трик хийсэн бол Роналдо ердөө 288 тоглолтод л амжуулжээ. Түүнээс гадна, замналынхаа 52 дахь хет-трикийг хийж байна. Мөн чөлөөт цохилтоос замналынхаа 52 дахь гоолыг орууллаа.
|
Сэтгэгдэл байхгүй байна.