Холливүүдийн од, 52 настай алдарт жүжигчин Жулия Робертс (Julia Roberts) үл хөдлөх хөрөнгийн тун чиг ашигтай наймаа хийжээ.

 

"Хөөрхөн хүүхэн” 8,3 сая доллараар Сан-Франциско хотод байр худалдаж авсан байна. Малибу дахь эдлэнгээсээ хамраа цухуйлгах дургүй бүсгүй "Алтан муж”-д суурьшихаар шийдсэн бололтой.

Түүний худалдан авсан байр нь нам нүмхэн, ногоон бүс болох Пресидио Хайтс дүүрэгт оршдог бөгөөд энд л тус хотын хамгийн тансаг чамин хаусууд байдаг гэнэ дээ.

Викторианы үеийн загвараар 1907 онд баригдсан таван давхар, 6 мянган квадрат метр талбайтай уг байшин таван унтлагын, 4 ванны өрөө, ажлын цэлгэр танхим, асар үнэтэй 1000 гаруй дарс бүхий зоорь гээд л хүнд хэрэгтэй бүхий л зүйлстэй гэнэ шүү.