ЭМЯ: Таван хүнээс халдвар илэрч, батлагдсан тохиолдлын тоо 191 боллоо
Эрүүл мэндийн яамнаас коронавируст халдварын нөхцөл байдлын талаар цаг үеийн ээлжит мэдээллээ хийж байна. Өнөөдрийн байдлаар улсын хэмжээнд 1530 хүн ажиглалтад байна.
ХӨСҮТ-ийн захирал Д.НЯМХҮҮ:
-Өчигдөр ХӨСҮТ-ийн гурван лабораторид 715 хүнд хийсэн шинжилгээнээс 710 хүний хариу сөрөг гарлаа. Таван хүнээс коронавирус халдвар илэрлээ. ОХУ-ын ачаа тээврийн жолоочоос давтан шинжилгээгээр коронавируст халдвар илэрлээ.
Коронавируст халдварын батлагдсан 191 тохиолдлоос 70 хүн эдгэлээ. Өнөөдөр ХӨСҮТ-өөс таван хүн эдгэрч гарч байна. Өнөөдөр ХӨСҮТ-д 121 хүн эмчлүүлж байгаагаас хүндэвтэр 15 хүн байна. Эдгэж буй хүмүүсийн ихэнх нь оюутнууд аж.
ХӨСҮТ-ийн мэдээлснээр, коронавируст халдварын батлагдсан таван тохиолдлын дөрөв нь оюутан, нэг нь ОХУ-ын ачаа тээврийн жолооч аж. ОХУ-ын хүнс зөөдөг ачаа тээврийн жолооч зургадугаар сарын 3-нд орж ирснийг сэжигтэй тохиолдол гэж үзэн, Сэлэнгэ аймагт тусгаарлажээ. Түүний шинжилгээний хариунаас коронавирус илэрсэн учраас өнөөдөр ХӨСҮТ-д татан авчирч, эмчилгээнд оруулах ажил эхэлсэн байна.
Сэтгэгдэл байхгүй байна.