Архитай холбоотой 112 дуудлага иржээ
Өнгөрсөн ням гарагт яаралтай түргэн тусламжийн 103 дугаарт нийт 2224 дуудлага ирснээс 1009 нь эмнэлгийн яаралтай тусламж үйлчилгээ авч, 1215 нь зөвлөгөө мэдээлэл авчээ.
ЭМЯ-ны мэдээлснээр, амралтын өдөр эмнэлэгт үзүүлэх цаг захиалах нэгдсэн төвийн 1800-0119 дугаарт 390 дуудлага холбогдож амбулаторийн цаг захиалжээ.
Мөн1800-0119 дугаарт хүүхдийн 10 эмч энгийн утасны тарифаар тогтмол мэдээлэл, зөвлөгөө өгч ажиллаж байгаа аж.
Ням гарагт яаралтай тусламжийн тасгаар нийт 3337 хүн үйлчлүүлсний 371 нь осол, гэмтлээр ГССҮТ-өөр үйлчлүүлжээ. ЭХЭМҮТ-д 29 нярай мэндэлжээ.Түүнчлэн амралтын өдөр яаралтай 35 мэс засал хийжээ.Төрөлжсөн төв эмнэлгүүдэд нийт 3337 хүн хэвтэн эмчлүүлж байгаагаас 201 нь хөдөө,орон нутгаас ирж үйлчлүүлж байгаа аж.
Сэтгэгдэл байхгүй байна.