“МИАТ“ компанийн Бээжин чиглэлийн нислэгийн тийзийн үнийн асуудлыг шударга өрсөлдөөн хэрэглэгчийн төлөө газраас шалгаж эхэллээ

0

           Улаанбаатараас Бээжин чиглэлийн нислэгийн тийз 10-15 сая төгрөг байна гэх мэдээлэл цахим орчинд цацагдсан. Учир нь БНХАУ гадаадад сурдаг оюутнуудаа танхимаар хичээллүүлэхээр болсонтой холбогдуулан тус улсыг зорих иргэд, оюутны тоо нэмэгдэж байна. Гэвч нислэгийн тийз маш өндөр байна гэх мэдээлэл, шүүмжлэл дагуулж, иргэдийг бухимдахад хүргэсэн юм. Уг асуудалд шударга өрсөлдөөн хэрэглэгчийн төлөө газрын дарга С.Мөнхчулуун тайлбар хийлээ. 

         Тэрбээр "Өчигдөр оройноос сошиалаар эрчимтэй явж эхэлсэн тул мэдээлэл аваад шалгаж эхэлж байна. Сошиалаар явж буй мэдээллээс харахад өчигдөр эхэлсэн асуудал биш бололтой. Өнөөг хүртэл манайд гомдол санал ирээгүйгээс харахад манайхан хэрэглэгчийг хохироосон, хясан боогдуулсан, өрсөлдөөнийг хязгаарласан асуудалд дасан зохицоод чимээгүй байгаад сурчихсан бололтой. Бүх юмны үнийг төр зохицуулахгүй, гэхдээ хэрэглэгчдийг хясан боогдуулсан, давамгай байдалтай ААН хэт өндөр үнэ тогтоосон зэрэг асуудлуудад хяналт тавина" гэв.

 

Шинэ мэдээ

Холбоотой мэдээ

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Tonshuul.mn хариуцлага хүлээхгүй болно.

Сэтгэгдэл байхгүй байна.