Т.Доржханд: Нүүрсний хулгайн арьсыг хуулж, олон нийтэд харуулмаар байна
.png "Томруулж харах")
УИХ-ын гишүүн Т.Доржханд өнөөдөр нүүрсний хулгайтай холбоотой асуудлаар сэтгүүлчдийн асуултанд хариулж мэдээлэл өглөө.
Тэрээр: 3Бид нүүрсний хэргийн асуудлаар нотлох баримтын сонсголыг 4 сарын 10-наас 12-ны хооронд хийнэ гэж байсан. Гэтэл хэдхэн хоногийн өмнө АТГ-аас бичиг ирсэн.
Тэр бичигт нүүрсний хэрэг бол Хөгжлийн банкны хэргээс ялгаатай. Нүүрсний хэрэг бол маш олон хүнийг яллагдагчаар татчихсан, хэрэг илрүүлэх ажил явагдаж байгаа.
Гэтэл УИХ дээр та бүхэн сонсгол хийчихээр энэ нөхдүүдийн чинь асуудал нийгэмд өөр ойлголт өгөх гээд байна.
Мөрдөн шалгахтай холбоотой зарим нууцыг ил болгочих гээд байна. Ер нь та нарын гэрчээр дуудах гээд байгаа хүмүүс чинь хэрэг нь шалгагдаж байгаа тул ирэхгүй байх магадлал өндөр байна. Тиймээс энэ сонсголоо хойшлуулж өгөөч гэж АТГ-аас ярьсан.
Тэгээд бид шийдвэрээ гаргасан.
Хувь гишүүнийхээ хувьд бол би нотлох баримтын сонсголыг зайлшгүй, үр дүнтэй, нүүрсний хэрэгт холбогдсон хүмүүсийг бүгдийг нь байлцуулж хийх ёстой гэдэг дээрээ баттай байгаа.
Өөрөө хэлбэл 3 багц хамгийн том асуудал байгаа. Оффтэйк гэрээ, үүнтэй холбоотой 19 их наяд төгрөгний асуудал бий. Ихэнх нь нууцад орсон. Дараа нь нүүрсээ хил давуулсан бодит хулгай. Сүүлийнх нь Эрдэнэс тавантолгой ТӨХК-ий худалдан авалтууд нь асуудалтай байна. Зах зээлийн үнээс илүү үнээр худалдан авалтын шууд гэрээнүүд хийсэн байна гэдэг асуудал.
Сэтгүүлч: АТГ-аас ирсэн бичигт улстөрийн нөлөө орсон байж болзошгүй гэж УИХ-ын гишүүн Н.Ганибал хэллээ. Үүн дээр та ямар байр суурьтай байна вэ?
Хүн болгонд хардах эрх бий. Миний хувьд үүнийг хийх л ёстой. Хийхдээ тухайн үеийн ҮАБЗ-ийн гишүүд, нарийн бичгийн дарга, ЕТГ-ийн дарга, оффтэйк гэрээг байгуулсан "Бодь интернэйшнл"-ээс авхуулаад компаниудын төлөөллийг, захиалагч Монголын төмөр замын захирал Н.Удаанжаргал, шийдвэр гаргасан нөхдүүдийг, "Эрдэнэс Тавантолгой"-н Б.Ганхуяг нарыг байлцуулж, иргэдэд ил тодоор яриулах хэрэгтэй.
Б.Ганухуяг би маш олон хүнийг зарлана гэж хэлсэн биз дээ. Тэгвэл одоо зарла л даа.
Дээрээс нь саяхан татагдсан Т.Аюурсайхан гишүүнээс авхуулаад нүүрстэй холбоотой гишүүдийг сонсмоор байна шүү дээ.
Тэр хүн үнэхээр хэрвээ намайг асуудалд тооцох юм бол би МАН-ын нөлөө бүхий хүмүүсийг зарлана гэсэн. Үүнийг нь яриулж, зарлуулмаар байна.
Нэг зүйлийг зориуд хэлье. Сэдэв гарч ирэнгүүт мартмааргүй байна. Хариуцлага тооцуулж, хууль, шүүхээр нь шийдүүлээд дуусгадаг баймаар байна.
Нүүрсний хулгайн хэргийн арьсыг хуулж, олон нийтэд харуулмаар байна” гэв.
Ч.Бүргэд
https://sonin.mn/news/enews/137026
Сэтгэгдэл байхгүй байна.