Хятадад саяхан Жэжян мужид нэг өвчтөнөөс 420 ширхэг бөөрний чулуу гарч эмч нарыг алмайруулжээ. Түүний бөөрний чулууг авах хагалгаа хоёр цаг үргэлжилсэн бөгөөд өвчтөний дүпү ихтэй хүнд хоолны зуршил, усны дутагдал зэрэг нь бөөрний чулуу үүсэх гол шалтгаан болсон гэж эмч нар тайлбарласан байна.

Уг өвчтөн тавдугаар сард эмнэлэгт хандсан гэнэ. Шинжилгээгээр түүний зүүн талын бөөр маш их чулуужилттай болсон нь тогтоогдсон бөгөөд жаахан л хугацаа алдсан бол бөөрөө авахуулахаас өөр аргагүй болсон байжээ.

Дашрамд дурьдахад, бөөрний чулуу өвчин нь манай оронд ч бас элбэг тохиолддог эмгэг юм. Мөн өвчний тархалтад газар нутгийн байршил нэлээд нөлөөтэй байдаг аж. Дундад Ази, Хойд Кавказ, Австри, Нидерланд, Югослав, Грек, Турк зэрэг улсуудад элбэг тохиолддог байна. Газар нутгийн онцлогоос гадна тухайн хүний амьдралын хэв маяг, бодисын солилцоо болон бамбайн дэргэдэх булчирхайн эмгэг нь бөөрний чулуу үүсэх шалтгаан болдог.

Б.Саруул