Ц.Алдармаа, Д.Оюунтуул нар дахин шүүхээр явахгүй
"Шинэ үе” продакшны жүжигчин Ц.Алдармаа хамтлагийнхаа жүжигчин Д.Оюунтуултай маргалдсаны улмаас нэгнээ халуун усаар түлж хүнд гэмтээсэн хэрэг гарсан. Эл хэргээс болж Д.Оюунтуул нуруу цээж хэсэг хүнд зэргийн түлэгдэл авч БНСУ руу эмчилгээ хийлгэхээр яваад байсан. Харин Ц.Алдармаа шүүхээс долоон жилийн ял авч, давж заалдсанаар 2.5 жилийн тэнсэн харгалзах ял сонссон юм. Энэ бүхэн өнгөрсөн жил болсон бөгөөд Солонгос улсыг зорьсон Д.Оюунтуулын бие нь сайжирч уран бүтээлдээ эргэн орсон билээ.
Тэгвэл сүүлийн үед Ц.Алдармаа, Д.Оюунтуул нарыг дахин шүүхээр явна гэсэн мэдээлэл цацагдах болсон. Харин үүнийг үгүйсгэж жүжигчин Д.Оюунтуул хэлэхдээ "Ямар хэцүү юм бэ. Би үнэндээ ядарч байна. Бие минь бүрэн эдгэрээгүй байхад янз бүрийн мэдээлэл гарч байгаад харамсах юм. Одоо би эмчилгээндээ явах гэж байгаа. Тийм зүйл дахиж байхгүй шүү” хэмээжээ.
Эх сурвалж: Шуурхай.мн
Сэтгэгдэл байхгүй байна.