Израилийн Дотоод хэргийн яамны сайд Сильван Шаломын эхнэр Жуди Шалом Нир-Мозес гэнэт дэлхий даяар алдаршив. Радиогийн хөтлөгчөөр ажилладаг Жуди энэ удаа АНУ-ын Ерөнхийлөгч Барак Обамаг хатуухан шогложээ.

"Обама кофе гэж юу байдгийг та бүхэн мэдэх үү? Хар бас сулхан" гэж Жуди өөрийн Twitter хуудаснаа бичжээ.

Түүний энэ хошигнолыг арьсны үзэл ханхлуулсан гэж олон хүн үзжээ. Сайдын эхнэр сүүлдээ өөрийн твитээ арилгаж, "тэнэг хошигнол"-ынхоо төлөө уучлал гуйсан гэж "BBC" мэдээллээ.

Алиа Жуди гэхдээ зүгээр нэг уучлал гуйсангүй, "Хэрэв би хэн нэгнийг гомдоосон бол уучлал гуйж байна. Энэ бүхний дараа нөхөртэй хэвээр үлдэхсэн. Нөхөр маань онгоцноос буугаад миний юу хийснийг мэдсэний дараа надаас салахгүй гэж найдна" хэмээн дахиад хошигноод авчээ.
 

www.mnews.mn