Улсын баатар Э.Бат-Үүл таны удирдаж буй хотын иргэд туршилтын туулай болоод удсан ч харамсалтай нь туршилтуудаас /+/ оноо авсан нь тун ховор. Хамгийн сүүлд "дэмий сэлгүүцэгч” иргэддээ зориулж 500 төгрөгөөр өдөржин "зугаалах” боломж олгосон. Гэвч "дэмий биш зорилгоор” яваа яарч сандарсан, онц чухал ажилтай иргэдээ шийтгэх мэт арга хэмжээ болжээ. Энэ талаар манай мэдээллийн сайтын зүгээс иргэдийн хүсэлтийг хүлээн авч удаа дараа асуудал хөндсөн нийтлэлийг олон нийтэд хүргэж байв. Харин энэ удаад манай мэдээллийн мөрөөр Монголын хэрэглэгчийн эрх, боловсролын холбооны тэргүүн Б.Цэрэн нийтийн тээврийн туршилтын зохицуулалтыг сурвалжилсан байна. Түүний сурвалжлагаас харахад иргэд ид ачааллын үеэр, бэлтгэл хангахгүйгээр туршсанд бухимдаж Хотын даргыг иргэдээсээ уучлал гуйх ёстой гэж үзэж байгаагаа илэрхийлжээ. Ингээд түүний хийсэн сурвалжлагыг хүргэе.