Олон улсын валютын сан /ОУВС/, Европын холбоо /ЕХ/ болон бусад зээлдүүлэгчийн санал болгосон эдийн засгийн хатуу бодлогыг хүлээн авах, баримтлах эсэхийг шийдэх бүх нийтийн санал асуулга өчигдөр /07.05/ Грек улсад амжилттай зохион байгуулагдлаа.

Албаны хүмүүс саналын хуудсыг тоолж дууссан бөгөөд сонгогчдын 61.24 хувь нь хатуу бодлого баримтлахыг эсэргүүцсэн бол үлдсэн 38.71 хувь нь олон улсын зээлдүүлэгчдийн шаардлагыг хүлээн авах хэрэгтэй гэж үзсэн байна.

Санал асуулгын дүнг олон нийтэд зарласны дараа Грекийн эрх баригчид сэтгэл хангалуун байгаагаа илэрхийлж, олон улсын зээлдүүлэгчидтэй үргэлжлүүлэн хэлэлцээ хийхэд бэлэн гэдгээ илэрхийлжээ.

Сануулахад Грекийн Засгийн газар болон Евро бүсийн эрх баригчид Грекийн зээлийн хөтөлбөрийг дөрвөн сараар сунгах хэлэлцээрт өнгөрсөн хоёрдугаар сарын 21-нд хүрсэн нь өнгөрсөн долоо хоногт дуусаж байгаа юм.

Иймээс Грекийн эрх баригчид Европоос дахин санхүүгийн тусламж хүссэнтэй холбогдуулан ОУВС-ийн төлөөлөгчид тэтгэврийг бууруулж, нэмүү өртгийн татварыг нэм гэсэн шаардлагыг Афинд тавьж байгаа нь талуудын хооронд ихээхэн санал зөрөлдөөн үүсгээд байгаа аж.

Эх сурвалж: ИТАР ТАСС