3.7 тонн алт тушаажээ
Монгол банк энэ оны эхний хагас жилийн байдлаар иргэд, аж ахуйн нэгжээс 3.7 тонн алтыг хүлээн авсан байна. Энэ нь өмнөх оны үетэй харьцуулахад 0.3 тонноор буурсан үзүүлэлт юм.
Банкинд тушаах алтны татварыг 2.5 хувь болгож бууруулснаар иргэд, аж ахуйн нэгжийн идэвх нэмэгдэж байгаа ч цаашид нөөц бүрдүүлэхэд анхааран ажиллах хэрэгтэй байгааг холбогдох албаныхан онцолж байна.
Манай улс энэ онд 120 аж ахуйн нэгжид алт олборлолтын зөвшөөрлийг олгосон бөгөөд оны эцэст 15-20 тонн алт тушаасан байх хүлээлттэй байгаа юм.
Дашрамд дурдахад, Монголбанк валютын нөөц бүрдүүлэх зорилгоор он гарснаас хойш 4.2 тонн алт экспортолжээ. Энэ нь 140-160 сая долларын валютын нөөц бүрдүүлэх боломжийг үүсгэх тоон үзүүлэлт юм.
Сэтгэгдэл байхгүй байна.