Монгол Улсад анхны ардчилсан сонгууль явуулсны 25 жилийн ойн баярт зориулсан олон улсын хүндэтгэлийн хурал өчигдөр боллоо.

Хуралд манай Ерөнхийлөгчөөс эхлээд төр, нийгмийн зүтгэлтнүүд болон гадаадын олон орноос хүндтэй зочид урилгаар ирж оролцсон.

Мөн гадаадын улс орнуудын төрийн тэргүүн, удирдлагууд Монголын ардчиллын ойн баяр хүргэж, мэндчилгээ ирүүлснийг зочдод танилцуулсан.

Ардчиллын баярын видео мэндчилгээг ардчиллын өлгий АНУ-аас Төрийн нарийн бичгийн дарга Жон Керри илгээснийг түүний орлогч, хатагтай Сюзан Торнтон авчирсан. Жон Керри монголчуудад халуун дотно үгтэй мэндчилгээний хажуугаар, ирэх онд Монголд айлчлахаар төлөвлөөд буйгаа уламжиллаа.