Манай УИХ-ын гишүүд бие нь байхгүй ч кноп нь асч, санал өгөх тохиолдол цөөнгүй гардаг. Гэхдээ энэ үзэгдэл хэн нэгний ашиг сонирхолд хүчтэйгээр нөлөөлөх буюу сандал ширээний гэх мэт асуудлыг хэлэлцэх үеэр олонтаа таарна. Харин энэ бичигдээгүй хууль өчигдөр Төсвийн байнгын хорооны хуралдааны үеэр биежиж, хуралдаа ирээгүй хоёр ч гишүүний кноп асч, бүр санал өгснөөр Эдийн засгийн ил тод байдлыг дэмжих тухай хуулийн хэлэлцэх эсэхийг олонхи дэмжсэн болж, чуулганы нэгдсэн хуралдаанаар хэ- лэлцэхээр боллоо. Ингэж амьгүй кноп, асч хууль хэлэлцэх хэмжээнд хүрсэн нь эрх баригч намынх- ны олонхийн ашиг сонир- холтой шууд холбоотой гээд хэлчихвэл үнэнээс хол зөрөхгүй. Учир нь, Эдийн засгийн ил тод байдлыг дэмжих тухай хууль бол татвараа нуун дарагдуулсан аж ахуйн нэгжүүдэд хамаатай. Гэхдээ энэ нь одоо татварын өртэй компаниудад огтхон ч хамаагүй бөгөөд өмнө нь буюу олон жилийн турш татвараа их хэмжээнд хүртэл төлөлгүй, нуун дарагдуулж ирсэн олигар- хиудад хамаатай хууль.

Өөрөөр хэлбэл, томоохон аж ахуйн нэгж, албан тушаалтнуудад хамаатай хэрэг. Харин энэ хуулийг дагуу өршөөгдөх томоохон аж ахуйн нэгж гэдэгт эрх баригч намынхаа хувийн эзэмшлийн компани, аж ахуйн нэгж цөөнгүй багтахаар байгааг хэлэх хүн олон бий. Тиймдээ ч өчигдрийн Эдийн зас- гийн байнгын хорооны хуралдаанд "өөрсдийн” хуулиа явуулахын тулд сүүлийн хэдэн сураг алдар- сан гишүүд хүртэл ирж, кноп дарсан харагдсан. Сайдын суудлаас буусан цагаасаа Байнгын хороо, чуулганы хуралдаанд ба- рагтаа харагдахаар боль- сон Портуна Н.Батбаяр гишүүнээс гадна хаврын чуулганд суусан ирцээрээ сүүл мушгисан ч Дундговь "Ланд”-аар бороо оруулд- гаараа алдаршсан Б.Наран- хүү гишүүн хүртэл байнгын хорооны хуралд сууж, саналаа өгсөн байх юм. Түүнчлэн эзэд нь эзгүй ч кноп нь амилсан хоёр гишүүн бол Д.Эрдэнэбат, Д.Ганхуяг нар юм. Манай гишүүд ингэж л явуулах гэснээ хүч түрэн, хууль зөрчин байж явуулдаг уламжлалтай болсны тод жишээ энэ боллоо.

М.ӨНӨРӨӨ