Тарваган тахал өвчний эрсдэл өндөртэй энэ үед сүүлийн хоёр сарын хугацаанд 370 ширхэг тарваганы махыг нийслэл рүү оруулж ирэхийг завджээ. Тарваганы махыг чанасан, түүхий аль ч хэлбэрээр оруулахыг завдах тохиолдол илрэх болсон байна. Тиймээс өнөөдөр НОБГ, НМХГ, НЦГ-аас хамтран ард иргэдэд сэрэмжлүүлэг хүргүүлэх үүднээс хэвлэлийн хурал хйисэн юм.

Өдгөө тарваган тахал өвчин дэлгэрэх эрсдэл өндөр учраас иргэд хууль, дүрмээ хариуцлагатайгаар сахин биелүүлэхийг сануулсан юм. Одоогоор Сонгинохайрхан дүүргийн 22-ын, Эмээлт түүхий эдийн зах, баруун туруун, Хан-Уул дүүргийн Яармаг, Нисэх-биокомбинат, Баянзүрх дүүргийн Баянзүрх, Налайх дүүргийн 5 дугаар хороо Городок, Тэрэлж, Багануур дүүргийн Хэрлэнгийн гүүрний авто техникийн долоон шалган бүртгэх товчоодод "Хяналт шалгалт явуулах ажлын хэсэг”-үүдийг байгуулан ажиллаж байгаа юм.