Вүүдүү хүүхдүүд буюу нас барсан хүүхдүүдийг илэрхийлсэн хүүхэлдэйг амьд мэтээр асарч хооллодог Африкийн үндэстэн байдаг байна.

Баруун Африкийн Бенины Фон омгийнхонд ихэр хүүхэд мэндлэх нь маш түгээмэл. Хорин төрөлт  тутмын нэг нь ихэрлэдэг аж.

Гэвч иргэдийн ядуу байдал болон эрүүл мэндийн шалтгаанаас болж хүүхдүүд нас барах  нь  энгийн үзэгдэл болсон байна.

Хүүхдүүд бага насандаа гэдэсний халдварт өвчнөөр амиа алдах тохиолдол хамгийн  ихээр тохиолддог ажээ.

Фон омгийнхон нэгэн өвөрмөц уламжлалтай.

Хэрэв тухайн айлын хүүхэд нас барсан тохиолдолд хүүхэлдэй хийдэг. Үүнийг вүүдүү хүүхэлдэй хэмээн нэрлэдэг.

Нас барсан хүүхдүүдийг хүүхэлдэйгээр төлөөлүүлэн, түүнийг  амьд мэтээр харьцдаг байна. Яг л хүүхдээ амьд мэтээр төсөөлөн хайрлах ёстой байдаг аж. Учир нь нас барсан хүүхдийн сүнс тухайн хүүхэлдэйнд шингэдэг гэж үздэгтэй холбоотой.

Хооллож, асарч, усанд оруулж, тэр ч бүү хэл эцэг эх нь гадуур ажилтай үед нутгийн ахмад настнууд тэдгээр хүүхдийг асардаг байна.

Хэрэв тухайн гэр бүл хүүхэлдэйг асрахгүй аваас чөтгөрийн хорлолд өртөнө гэж итгэдэг бөгөөд эсрэгээрээ хүүхэлдэйг яг л амьд хүүхэд мэт энхрийлэх аваас тэдэнд бурхан тусалдаг гэж үздэг байна.

Хамгийн сонирхолтой нь вүүдүү хүүхэлдэй Фанта болон Коланд дуртай байдаг аж. Учир нь чихэрлэг зүйл гэдэг бол энх тайвныг илтгэдэг хэмээн нутгийн иргэд үздэг ажээ.