"Гацуурт”-ын Л.Чинбат Чөлөөт бөхийн холбооноос гарч байгаагаа Facebook-ээр мэдэгдэхэд хамгийн түрүүнд шахуу shareхийснээсээ хойш чимээгүй байсан их аварга Д.Дагвадорж өчигдрөөс эхлэн олон нийтийн сүлжээгээр дуугарав. Тэрбээр Тайваньд явж байгаа бөгөөд "Нөгөө АСА чинь Тайваньд од юм байна шүү!!!” хэмээн жиргэжээ. Д.Дагвадорж Тайпэй хотын музейд буй Чингис хааны хөргийн талаар яриа дэлгэсэн бөгөөд энэ сэдвээр коммент бичигчдийн заримын Тайванийн тухай буруу ойлголтыг залруулах гэсэн мэт "Тайваньчууд чинь Бүгд найрамдах Хятад улсын үлдэгдэл шүү дээ! 1911 онд байгуулагдсан Дундад иргэн улс гэж түүхэн дээр байгаа! Богд хаант Монгол улс хоёр хоногийн өмнө тусгаар тогтнолоо зарласан!” хэмээн тайлбарласан байна. Есөн жилийн өмнө тэрбээр тэнд очихдоо уг музейг анх үзсэн бололтой бөгөөд "2000 онд Тайваньд сүмогийн барилдаан хийж байхад албан ёсоор санал тавиад орж үзэж байсан. Музейн хажууд байдаг нарийн лабораторийн доод таван давхар луу буугаад тусгай өрөөнд үзүүлж байсан! Их Чингис хаан болон Хубилайн зургийг надад үзүүлсэн надад!” хэмээн гайхуулжээ. Чингис хааны хөргийг өөр хүний зураг хэмээн үздэг таамаглалыг барин мэтгэлцсэн хүмүүс ч сэтгэгдэл бичигчдийн дотор гарсан бөгөөд аварга үүнд ”Тийм бол харуул л даа. Худлаа яриад байх юм! Юань гүрний бүх зүйлс энд байгаа! Их хаадаас бага хаад хүртэл хаадын зураг байгаа. Чан Кайши коммунистуудад ялагдаад Бээжингийн хааны ордны бүх зүйлсийг энд аваад ирсэн юм!” хэмээн хариу мэтгэлцсэн байна.

 Б.Бат