Бэлдэх зүйлс

Тайлбар

   Гадаад паспорт, виз

Гадаад паспортаа алдаж гээгдүүлэхээс сэргийлэн хуулбарыг ил авч явах. Жич: Паспортын шаардлага хангасан цээж зургаа авч явахад илүүдэхгүй. Түүнчлэн онлайн хэлбэрээр өөрийн бүх мэдээллийг хадгалж байх нь хэрэг болдог.

   Билет (тийз), Захиалгын дугаар

                         (reservation number)

Явах ирэх өдөр, хүчинтэй хугацааг нь сайн нягталж үзээд алга болохоос урьдчилан сэргийлж нэг хувь хувилаад авч явах

   Монгол  мөнгө

Нисэх буудал руу явах, буцаж гэртээ ирэх

   Тухайн газрын мөнгөн дэвсгэрт

Гар цайлгах мөнгө, дэлгүүрээс юм худалдаж авах, бусад хувийн зүйлд зарцуулах мөнгө

    Кредит карт

Гадаадад ашиглах боломжтой олон улсын карт. Ямар нэгэн худалтаа хийхэд хэрэглэх

   Аялагчийн  даатгалын дэвтэр

Группээр аялж  байгаа тохиолдолд бэлдэхгүй байсан ч болох ч,  хувиараа аялж байгаа тохиолдолд аваад явсан нь дээр.

   Олон улсын оюутны үнэмлэх

Аялагч та  хөнгөлөлт эдлэх  боломжтой байж ч магадгүй учраас аваад явахад илүүдэхгүй л болов уу.

   Олон улсын жолооны үнэмлэх

Түрээсийн машинаар аялахаар төлөвлөж буй хүмүүс жолооны үнэмлэхээ авах хэрэгтэй

   Нөөц зураг

Гадаад паспорт алга болохоос сэргийлж зураг 2-3 ширхэг илүү авах

   Жижиг тооны машин

Дэлгүүрээс ямар нэгэн зүйл худалдаж авахад валют солиход хэрэгтэй

   Олон улсын ярианы  карт

Монгол руу яаралтай залгах шаардлагатай бол  олон улсын ярианы карт бэлдэх нь зүйтэй.

   Жижиг цүнх

Том цүнхнээсээ салангад биедээ авч явах шаардлагатай зүйлсээ хийх

   Тэмдэглэлийн дэвтэр

Гадаад паспорт, аяллын тасалбарын дугаар, картны дугаар, тухайн газрын чухал гэсэн байгууллагын дугаар мөн тухайн газраас мэдэж авсан хэрэгтэй гэсэн мэдээллээ тэмдэглэх

   Камер, Зургийн аппарат

Хангалтай хэмжээний мэмори карт, зай, ус нэвтэрдэггүй хайрцаг бэлдэх.

   Оо сойз

Гадаадад байхгүй тохиолдол их байдаг болохоор аваад явсан нь зүгээр.

   Алчуур саван

Зочид буудалд хонож байгаа тохиолдолд хэрэггүй боловч бусад тохиолдолд хэрэгтэй.

   Малгай /нүдний шил

Халуун оронд аялж байгаа бол заавал авч явах хэрэгтэй зүйлийн нэг.

   Усны хувцас

Усан бассейнд орох, далайд аялахад  хэрэгтэй.

   Нарны тос

Халуун орон руу явж байгаа тохиолдолд гарцаагүй хэрэгтэй ч тухайн газар орноос худалдан авч болно

   Хөлд эвтэйхэн гутал

Аяллаар явахад удаан явган алхах үе байх тул  хөлд эвтэйхэн гутал өмсөх хэрэгтэй.

   Сандаал

Халуун орон болон далайн эргээр аялах үед пүүзнээс илүү эвтэйхэн  байх болно.

   Гар шүхэр

Бороо орох, эсвэл борооны улирлын үед  аялж байгаа бол биедээ авч явахад эвтэйхэн, жижиг эвхэгддэг шүхэр байвал сайн.

   Сахлын машин

 Зочид буудалд нэг удаагийн сахлын татуурга байдаг ч, байнгын хэрэглээний зүйлээ биедээ авч явахад илүүдэхгүй.

   Цамц, өмд

Эвтэйхэн төдийгүй  аяллын хугацаанд тохирохыг  бэлдэх хэрэгтэй.

   Хүрэм

Эйр кондишнтэй машин, онгоцон дотор, мөн бороо орох үед, шөнөдөө агаарын хэм өөрчлөгдөх үед өмсөхөд эвтэйхэн, хөнгөн байвал сайн.

   Дотуур хувцас

Зочид буудалдаа угааж болох учраас хэд хэдэн ээлжийг авч явах боломжтой.

   Ариун цэврийн хэрэглэл

Тухайн газраас авахад амаргүй,  дээрээс нь үнэтэй байдаг учраас урьдаас бэлдсэн нь дээр.

   Анхны тусламжийн зүйлс

Өвчин намдаах эм, хоол шингээх эм, толгойны эм, ханиадны эм, даралтны эм, 1 удаагийн шархны лент зэргийг бэлдэж авч яваарай.

   Бэлэг дурсгалын зүйл

Өөрийн орны соёлыг  таниулан  сурталчлах жижиг дурсгалын зүйл авч явахад илүүдэхгүй.

   Электрон толь бичиг, ярианы дэвтэр

Ганц нэгээрээ явж байгаа тохиолдолд хэрэгтэй. Жижиг хэмжээтэй байх тусмаа сайн.