УИХ-ын чуулганы хуралдаан өнөөдөр 09.00 цагт эхлэх байсан ч хоёр цаг гаруйгаар хоцорч эхэллээ. Ирц бүрдэхгүй байсаар цагаасаа ийн хоцорч, 39 гишүүний ирцтэйгээр хуралдаан эхлэв.Ардчилсан намын бүлгээс 26, "Шударга ёс” эвслээс зургаа, ИЗН-аас нэг гишүүн, бие даагч гурван гишүүн хүрэлцэн ирэв. Харин Монгол Ардын намын бүлгийн гишүүд  чуулганы танхимд цуварч орж ирсэн ч картаа уншуулсангүй. Тэд Хүүхдийн мөнгийг эсэргүүцэж, ирцээр барьцаалсан аж.

УИХ-ын дарга З.Энхболд телевизээр дамжуулан чуулганы танхимд ирээгүй гишүүдэд хандаж, цалин авдаг ажилдаа ирэхийг шаардаж, ажилдаа ирээгүй бол цалин хасдаг хууль санаачлах үүргийг Ардчилсан намын бүлгийн дарга Б.Гарамгайбаатарт өгсөн юм. Ирц бүрдсэний дараа МАН-ын зарим гишүүн картаа уншуулсан юм.

М. Ханд