Сэлэнгэ аймгийн Мандал сумын харьяат, "Ноёд” групп, "Таванхан” дэвжээ, ШШГЕГ-ын "Сүлд” спорт хорооны бөх Г.Эрхэмбаяр аварга саяхны нэгэн ярилцлагадаа аавыгаа дурсжээ.

Хэдийгээр өдгөө түний аав бурханы оронд одсон Эрхэмээ аварга хүүгээ өдий зэрэгт хүргэн өсгөж хүмүүжүүлж, өнөөдрийн амжилт, алдар нэрд хүрэхэд нь үргэлж дэмжиж байсан аавыгаа тэрбээр дурсан ярих тун дуртай. 

Түүнийг 2002 онд сумынхаа 80 жилийн ойн барилдаанд түрүүлээд ирэхэд нь өвчтэй байсан аав нь шинэ дээл, малгайгаа өмсөөд, гэрийнхээ гадаа мөнгөн аягатай сүү, хадаг барин хүүгээ угтсан гэдэг. Аавынх нь энэ л дүр зураг аваргын сэтгэлд үүрд тэр хэвээрээ үлдсэн байна. 

Тиймээс Г.Эрхэмбаяр аварга жил бүрийн наадмын өглөө аавынхаа бэлэглэсэн мөнгөн аяганд эхнэрийнхээ цанасан цайг уугаад гардаг аж.

Энэ нь түүнд ер бусын эрч хүч хайрладаг байна.
 Хүүгээ бөх болох замыг нь зассан аваргын аав үргэлж хүүдээ урам зориг, эрч хүч хайрласаар байгаа нь энэ аж. 

mnews.mn