Өмнөговь аймгийн Даланзадгад хотод "Монгол тэмээ 999” арга хэмжээг  энэ сарын 6-7-ны өдрүүдэд амжилттай зохион байгуулав. Энэ үеэр тэмээ уралдуулах, эмнэг тэмээ сургах, тэмээ ноослох , тэмээтэй хос шалгаруулсан байна. Харин харамсалтай нь тэмээний уралдаанд оролцохоор замд гарсан нэг тэмээчин тэмээнээсээ унаж амиа алдсан хэрэг гарчээ.

Тодруулбал, уралдаанд оролцохоор ирсэн 55 настай Б гэдэг хүн Даланзадгад сумаас баруун хойш 11 км зайтай газарт золгүйгээр амиа алдсан байна. Талийгаач Баян-Овоо сумын харьяат бөгөөд тэмээнээс унаж, газар дээрээ амиа алдсан гэдгийг гэрчүүд мэдээлж байна.

О.Сайхан