Ч.Ганхуяг 111 хүний ходоодыг "баярлуулна"
"Хас”-ын Ч.Ганхуяг гэдгээрээ ард олондоо илүү сайн танигдсан Ч.Ганхуяг цахим сүлжээнд идэвхтэй нэгэн. Тэрбээр энэ баасан гаригт нэлээн олон хүнийг хуушуураар дайлах зар түгээжээ. Твиттер хуудсаараа дамжуулан "111 хүн бүртгэж хуушуурдана, энэ баасанд” гэж жиргэжээ.Энэ жиргээг харсан зарим нэгэн хүн сайхан таатай хүлээж авсан ч зарим нэг нь "Шоудах юмаа олж ядах юм даа. Одоо бүүр иргэдийнхээ ходоодоор сонгууль угтаж шоу хийж байгаадаа ичээсэй” хэмээн бичжээ.
Ирэх сонгуульд нэр дэвших гэж байгаа энэ хүн юун тухай шоудах, юугаар өөрийнхөө пиарыг хийхээ сайн мэдэж байгаа байлгүй дээ. Ямартаа ч эдийн засгийн хямралтай энэ цаг үед 111 хүнд өдрийнх нь хоолыг авч өгч ходоодыг нь баярлуулах бололтой шүү.
О.Сайхан