Хүн төрөлхтөн аль гадаад хэлийг түлхүү судалж байна вэ
"Duolingo” цэсийн хэрэглэгчдийн идэвхэд хийсэн дүн шинжилгээгээр дэлхийн улс орнууд аль гадаад хэлийг илүүтэй сонгож судалж байгааг мэдэж болно. 20 гаруй хэл сурахад тусалдаг уг цэсийг дэлхийн бүх орны 120 орчим сая хүн хэрэглэдэг. Тэдний сүүлийн гурван сарын идэвхэд дүн шинжилгээ хийж, тус компанийн мэргэжилтнүүд дэлхийн хэлний газрын зургийг бүтээжээ.
Эдгээр газрын зургаас харахад хүмүүс англи, франц, испани, герман, швед хэлийг түлхүү судалж байна. Нэг хачирхалтай зүйл ажиглагдсан нь швед хэлийг Шведэд байгаа хүмүүс илүү судалж байгаа бол норвеги хэл Норвегид амьдарч буй хүмүүст эрэлт хэрэгцээ ихтэй байжээ. Үүнийг шинээр цагаачлагчид эрс нэмэгдсэнтэй холбон тайлбарлаж болно. Англи хэлний хувьд 194 оны 116-д нь эрэлт хэрэгцээтэй байна. Тэгвэл 35 улсад амьдарч буй хүмүүс франц хэлийг сонирхсон бол 32 орны хэрэглэгчид испани хэл судалж байна. Харин герман хэлийг дэлхийн есөн оронд идэвхтэй сурч байгаа аж. Гэхдээ франц хэл хоёр дахь гадаад хэл гэдгээр тэргүүлж байгаа юм. Энэ хэлийг 77 оронд судалж байна. Испани хэлний хувьд дэлхийн 57 оронд хоёр дахь гадаад хэл болсон ч "Duolingo”-г хэрэглэгчдийн дунд францаас ч илүү эрэлт хэрэгцээтэй хэл болжээ.
Энэхүү статистик нь олон талаараа түүх, эдийн засагтай холбоотой. Жишээлбэл герман хэл Балканы орнуудад хамгийн ихээр судлагдаж байгаа нь хүмүүс хөршийнхөө хэлийг сурч, тэнд ажиллах гэсэн хүсэлтэй холбоотой аж.
Эх сурвалж:
Сэтгэгдэл байхгүй байна.