Арьс арчилахад тохиромжтой болон тохиромжгүй цагууд
Хүний арьс биеийн басад эрхтэний адил биологийн цагт захирагддаг. Иймээс арьсаа зөв арчилахын тулд биологийн цагаа зөв мэдэх хэрэгтэй. Хүний арьс өглөөний 5-7 цагт "сэрж” эхэлдэг байна. Энэ үед дотоод шүүрлийн булчирхайн эд эс дааврыг ялгаруулж эхэлдэг.Эсийн хуваагдал удааширч, арьсны шингээх чадвар буурдаг. Энэ хэсэгхэн хугацаа гоо сайханд хамгийн тохиромжтой үе. Өглөөний 7 цагаас цусны эргэлт нэмэгдэж, идэвхитэй бодис ихэсдэг. Энэ үед арьсанд харшил өгч болзошгүй тул шинэ бүтээгдэхүүн туршаад хэрэггүй.
* 8 цагт судас нарийсч эхэлдэг тул харшил өгөх магадлал буурдаг байна. Иймээс нүүрээ будахад тохиромжтой. Гэхдээ чийгшүүлэгч тос заавал түрхээрэй. Тос арьсны гүнд шингэх албагүй, өнгөц түрхэж зөөлрүүлсэн байхад л болно.
* 10-12 цагийн хооронд өөх тосны булчирхай ажиллаж, арьс гялалзаж эхлэх үед үүнийг багасгах тусгай бэлдмэл түрхэх нь зүйтэй.
* Үдээс хойш цусны даралт ихэсч арьс цуцаж эхэлдэг. Бага зэрэг унтаж амрах, эсвэл цэвэр агаарт явах нь арьсанд нөлөөлж, амрахад нь тусална. Хэрэв ийм боломж олдохгүй бол дор хаяж 10 минут амарч, нүдээ анин сууж болно. Өдрийн 3 цагийн үед гоо сайхны эмчээр эмчлүүлэхээр төлөвлөсөн бол хойшлуулах нь дээр. Энэ үед арьсны нүх бөглөрдөг тул ямар ч арьчилгаа үр дүнгээ өгөхгүй. Арьсаа арьчлах хамгийн тохиромжтой цаг үе бол 17-20 цаг.
* 20-22 цагт алжаал тайлахад тохиромжтой. Саунд суувал илүү үр дүнтэй. Гэхдээ чийгшүүлэгч тос, сүүн шингэн түрхэхээ бүү мартаарай. Ууранд сууж байхдаа хийжүүлсэн, эсвэл хэтэрхий чихэрлэг уснаас зайлсхий. Энэ нь зөвхөн арьсанд муу нөлөө үзүүлээд зогсохгүй, биед ч муу. Халуун усанд ор. Усандаа далайн давс нэмж өгвөл илүү үр дүнтэй байна.
* 22 цагаас хойш унтаж амрах хэрэгтэй. Шөнийн тос заавал түрхээрэй, учир нь шөнө дундын үед арьснаас эс хуваагдаж, сэргэдэг. Шөнийн тосыг нимгэн түрхдэг бөгөөд 30 минутын дараа илүүдлийг нь арчиж авах хэрэгтэй. Шөнөжин тостой унтах, эсвэл зузаанаар түхэж болохгүй. Үлдэгдэл тосыг арчаагүйгээс тосонд нян шингэж арьс цочирч, батга гардаг.
* 30-аас дээш насны эмэгтэйчүүд хөгшрөлт , үрчлээнээс хамгаалах тос хэрэглэх хэрэгтэй. Шөнийн тосыг нимгэн түрхдэг бөгөөд 30 минутын дараа илүүдлийг нь арчиж авах хэрэгтэй. Шөнөжин тостой унтах, эсвэл зузаанаар түхэж болохгүй. Үлдэгдэл тосыг арчаагүйгээс тосонд нян шингэж арьс цочирч, батга гардаг.
Сэтгэгдэл байхгүй байна.