Оросын засгийн газрын хакерчид АНУ-ын Бүгд найрамдах намын гишүүн Дональд Трампын талаарх судалгааны мэдээллийг олж авахын тулд Ардчилсан намын үндэсний хорооны  /АНҮХ/ компьютеруудад халдсан гэж албаны хүн мэдэгдлээ.

 

АНҮХ-ны компьютерын сүлжээнд нэвтэрсэн нь "маш ноцтой” хэрэг гэж тус хорооны дарга Дебби Вассерман Шульц хэлсэн байна.

Хакерчдыг сүлжээнээс гаргаж, сүлжээг хамгаалахын тулд бид кибер аюулгүй байдлын компанийг хөлслөн ажиллуулж байна гэж тэрбээр ярилаа.

Харин ОХУ-ын тал энэ хэрэгт ямар ч хамаагүй гэдгээ мэдэгдэж байна.

Кремлийн ордны хэвлэлийн төлөөлөгч Дмитрий Песков мэдэгдэхдээ "Оросын Засгийн газар болон засгийн газрын харьяа байгууллагууд энэ хэрэгт  ямар ч холбоогүй гэдэгт би бүрэн итгэлтэй байна” гэв.

2015 онд Ерөнхийлөгч Барак Обамагийн цахим хаягуудыг хакердсан гэж Оросын хакерчдыг мөн буруутгаж байсан юм.