Хятадад үерийн улмаас 200 гаруй хүн амиа алджээ
БНХАУ-ын өмнөд болон зүүн нутгуудаар хоёр долоо хоногийн турш аадар бороо орж, үер буусны улмаас 200 гаруй хүн амиа алдсан эсвэл сураггүй алга болсон байна. Үүний зэрэгцээ асар их хэмжээний эд хөрөнгө сүйдэж, долоон тэрбум гаруй долларын үр тариа үерийн усанд урссан гэж эрх баригчид мэдэгдэв.
"Синхуа” агентлагийн мэдээлснээр, Хубэй болон Аньхуй мужийн 17 сая орчим оршин суугч гамшигт өртөөд байгаа бол Шанхай хотын баруун хэсэгт 1.4 сая га үр тариа сүйдсэн байна. Үүнээс гадна Хубэй мужийн ихэнх хэсэгт төмөр зам болон автомашины замууд хаагджээ.
Хубэй мужийн эрх баригчид үер болохоос сэргийлэх үүднээс усан сангуудыг дэлбэлж байна.
Долоо хоногийн эхээр нэмж бороо орох төлөвтэй байгаа бөгөөд Хунань мужийн эрх баригчид ирэх өдрүүдэд хөрсний гулгалт, үер болон байгалийн бусад гамшиг болж магадгүйг анхааруулжээ.
Сэтгэгдэл байхгүй байна.