Лионел Месси санхүүгийн асуудлыг нь аав нь зохицуулдаг байсан гэжээ

0 537

Нэрт хөлбөмбөгч Лионел Месси татварын залилан хийсэн хэргээр 21 сарын турш шоронд суух ял сонслоо. Түүнийг аавынхаа хамтаар 2007-2009 онд Испани улсад 4,2 сая еврогийн татвар төлөхөөс зайлсхийсэн гэж албаны эх сурвалж мэдээллээ.

Лионел Месси санхүүгийн асуудлыг нь аав нь зохицуулдаг байсан гэжээ

 

 

Үйл явдал:

Испанийн хуулийн дагуу хоёроос доош жил шоронд хоригдох ял сонссон хүмүүс батлан даалтаар шоронгоос гадуур ял эдлэх боломжтой байдаг байна. Тиймээс Лионель Месси 21 сар шоронд суух ял сонссон ч шоронд хоригдохгүй. Лионел Мессиг Барселонагийн шүүхээр татварын залилан хийсэн 3 хэрэгт буруутгасан байна. Энэ хэргийнх нь төлөө түүнд 2 сая еврогийн, аавд нь 1,5 сая еврогийн торгууль ноогдуулсан байна. Испанийн татварын албаныхны хэлж байгаагаар, 29 настай хөлбөмбөгч Лионел Месси болон түүний аав нь 2007-2009 онд 4,2 сая еврогийн татвараас зайлсхийсэн байна. Шүүх хөлбөмбөгчийг орлогоо нуун дарагдуулахын тулд халхавч компаниудын сүлжээ ашигласан болохыг олж тогтоожээ. Энэ хэргийн мөрөөр мөрдлөг эхлүүлсний дараа тэд татварынханд 5 сая еврог хэдийнээ төлжээ. Лионел Месси санхүүгийн асуудлыг нь аав нь зохицуулдаг байсан гэдгийг хэлсэн байна. Гэсэн ч шүүгч нар үүнийг ялаас мултрахад хангалттай шалтгаан биш хэмээн үзэж байна.

Э.Лхагва


Холбоотой мэдээ

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Tonshuul.mn хариуцлага хүлээхгүй болно.

Сэтгэгдэл:
Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler

Сэтгэгдэл байхгүй байна.