Эцэг эхчүүдийн хараа хяналтгүй байдлаас болж бага насны хүүхдүүд халуун хоол цайнд түлэгдэх хэрэг байнга гарсаар байна. Өчигдөр л гэхэд ийм дуудлага цагдаагийн байгууллагад хоёр ирсэн байна.

Тухайлбал, Завхан аймгийн Тэлмэн суманд гурван настай хүү буцалсан сүүнд түлэгдсэний улмаас амиа алджээ. Түүнийг түлэгдсэн даруйд нь Гэмтлийн эмнэлэгт хүргэсэн боловч эмчлэгдэж байгаад нас барсан байна. Энэ хэргийг Баянгол дүүргийн цагдаагийн хоёрдугаар хэлтэст шалгаж байгаа аж. Мөн энэ сарын 17-нд Орхон аймгийн Баян-Өндөр суманд хоёр настай хүү мөн л халуун тогоотой хоолонд түлэгджээ. Одоогоор Гэмтлийн эмнэлэгт эмчлүүлж байгаа юм. Тиймээс эцэг эхчүүдэд бага насны хүүхдээ болзошгүй эрсдэлээс хамгаалж, анхаарал сонор сэрэмжтэй байхыг цагдаагийн байгууллагаас анхааруулав.

О.Сайхан