Санаатай болон санамсаргүй байдлаар цэнэглэсэн буутай сум алдаж өөрийгөө болон өрөөл бусдыг гэмтээж, цаашлаад амийг нь хохироох харамсалтай хэргүүд гарсаар байна. Өнгөрсөн сард гэхэд Хөвсгөл аймагт бага насны хоёр хүүхэд цэнэглэсэн буугаар тоглож байгаад гурван настай дүүгийнхээ амийг хохироосон эмгэнэлтэй хэрэг гарсан билээ.

Тэгвэл өчигдөр өөрийгөө санаатай байдлаар буудсан хэрэг гарчээ. Тодруулбал, Баянхонгор аймгийн Эрдэнэцогт сумын 3-р багийн нутаг дэвсгэр Дээд жаргалантын Цагаан хонх хэмээх газар нутаглаж байгаа тус багийн иргэн Ш /эр,27н/ нь "ТОЗ-8” маркийн буу алдаж эгэм тус газраа буудсан мэдээллийг цагдаагийн байгууллагаас шалгаж байна.

О.Сайхан