Наймдугаар сар талдаа орж намрын их ажил эхэлсэн энэ өдрүүдэд эцэг эхчүүдийн хувьд хамгийн ачаалалтай үе эхэлж байна.

Тодруулбал хүүхдүүдийн цэцэрлэг сургуулийн бүртгэлээс эхлээд их, дээд сургуулиудын төлбөр тооцны асуудал давхар сөхөгдөж байдаг юм. Жилийн жилд их, дээд сургуулиуд сургалтын төлбөрөө нэмдэг. Тэд сургалтын төлбөр нэмэгдсэн шалтгааныг инфляцийн өсөлттэй уялдуулж нэмсэн гэж тайлбарладаг. Тэгвэл энэ жил МУИС, ШУТИС, ХААИС зэрэг төрийн өмчийн сургуулиудын удирдлагууд төлбөрөө нэмэхгүй байх боломжтой гэх мэдээллийг БСШУС-ын сайд Ж.Батсуурьт өгсөн гэнэ.

Ингэснээр эцэг эхчүүдийн нуруун дээрх дарамтыг бага ч гэсэн бууруулж байх шиг байна. Тэд шийдвэрээ энэ хэвээрээ хадгалж үлдэж чадвал төрийн өмчит сургуулиудын оюутны төлбөр өнгөрсөн жилийнхээрээ байх юм.

Ч.Ган