Үнэ ханш ямар байна вэ
Наймдугаар сарын сарын 17-ны байдлаар гол нэрийн барааны үнийг өмнөх сарынхтай харьцуулахад 3.9 хувиар буурчээ.
Хонины ястай махны үнэ өмнөх сарынхаас 4.9 хувь, үхрийн ястай махны үнэ 5.8 хувь, үхрийн цул махны үнэ 8.1 хувь адууны ястай махны үнэ 2.8 хувь, ямааны ястай махны үнэ 7.1 хувиар буурав. Нэг кг хонины /ястай/ мах дунджаар 5500 төгрөг, үхрийн /ястай/ мах 6545 төгрөг, үхрийн цул мах 8140 төгрөг, адууны /ястай/ мах 4575 төгрөг, ямааны /ястай/ мах 4945 төгрөгийн үнэтэй байна.
Гурилын үнийг өмнөх сарынхтай харьцуулахад савласан дээдийн дээд гурилын үнэ 0.3 хувиар буурч, савласан дээд гурилын үнэ 0.4 хувиар өсчээ. Цагаан будааны үнэ өмнөх сарынхаас 1.1 хувиар, элсэн чихрийн үнэ өмнөх сарынхаас 10.1 хувиар нэмэгджээ.
Шинэ ургацын ногоо гарч ирсний улмаас төмс, хүнсний ногооны үнийг өмнөх сарын дундаж үнэтэй харьцуулахад төмсний үнэ 16.1 хувь, луувангийн үнэ 23.0 хувь, байцааны үнэ 41.7 хувь, манжингийн үнэ 47.4 хувь, сонгины үнэ 4.7 хувиар буурав.
Сүүний үнийг өмнөх сарынхтай харьцуулахад задгай сүүний үнэ 8.4 хувиар өсч, "Элекстер” /0.5 литрийн/ сүүний үнэ 1.8 хувь, савласан /1 литрийн/ сүүний үнэ 2.2 хувиар буурчээ. Өндөгний үнэ 4.7 хувиар, ургамлын тосны үнэ 2.1 хувиар өмнөх сарынхтай харьцуулахад буурлаа.