Европын Комиссын шийдвэрийг “Apple” давж заалдана
13 тэрбум евро буюу 14.5 тэрбум долларын татварыг нөхөн төлүүлэхийг Ирландад үүрэг болгосон Европын Холбооны шийдвэрийн эсрэг давж заалдахаа мэдээллийн технологийн "Apple” компани мэдэгдлээ.
Европын Комиссын /ЕК/ гаргасан энэ шийдвэрийг шүүмжилсэн ил захидлыг "Apple”-ийн захирал Тим Күүк илгээжээ.
Уг захидалд "манай компани Ирланд төдийгүй өөрсдийн үйл ажиллагааг явуулдаг бүх улс орны хуулийг даган мөрдөж, татвараа бүрэн төлдөг” гэжээ.
ЕК-ын энэ нэхэмжлэл бол ямар ч үндэслэлгүй бөгөөд Европт хөрөнгө оруулалт хийх болон ажлын байр бий болгоход сөргөөр нөлөөлнө гэж Тим Күүк хэллээ.
ЕК-ийн шийдвэрийн эсрэг давж заалдахаар төлөвлөж байгаагаа Ирланд мэдэгдсэн гэж тэрбээр онцлон тэмдэглээд "манай компани ч мөн давж заалдана” гэжээ.
Сэтгэгдэл байхгүй байна.