Монголын Залуучуудын Холбооноос жил бүр уламжлал болгон зохион байгуулдаг "Хариу Нэхээгүй Тус” аян 18 дахь жилдээ үргэлжилж, гол гаталж яваад осолдсон эмэгтэйн өнчирч хоцорсонхүүхдүүдэд хичээлийн хэрэглэлийг нь гардууллаа. Тодруулбал, Сэлэнгэ аймгийн Мандал сумын харьяат У.Ууганбаатар /7 нас/, У.Батсүх /5нас/ нарт "Хариу нэхээгүй тус” аяны хүрээнд таван жилийн турш хичээлийн хэрэглэлийг нь бэлдэж өгөхөөр болсон бөгөөд өнгөрсөн долоо хоногт энэ жилийнх ньхичээлийн иж бүрэн хэрэгслийг хүлээлгэн өгсөн байна.

Энэхүү аянд "Төмөр трейд” ХХК 2014 оноос нэгдэж хүүхдүүдийн хичээлийн дүрэмт хувцас болон биеийн тамирын хувцасны хослолыг таван жилийн турш үнэ төлбөргүй хангахаар болсон бол "Ханбогд Капитал” ББСБайгууллагынхан энэ жилийнх нь хичээллийн хэрэгслээр бүрэн хангасан юм.

"Хариу нэхээгүй тус” аян залуучуудын өөрсдийн санаачилан эхлүүлсэн ажил бөгөөд амьдралын төвшин доогуур бяцхан дүү нартаа туслах зорилготойаян юм.