Алдарт "Битлз” хамтлагийн гишүүн Жон Ленноны хөлөглөж байсан с гэдэг автомашиныг Sotheby's дуудлага худалдаагаар борлуулсны дараа хийж байсан хэлцлийг зогсоожээ.

 

Энэ автомашиныг Ленноны дуулсан "Imagine" хэмээх алдартай дууны клипийг хийхэд ашиглаж байсан билээ. Дууны клипийг 1972 онд хийсэн бөгөөд дараа жил нь 70-аад оны хит дуу болсон юм.

Лхагва гарагт болсон дуудлага худалдаагаар энэ машиныг 135 мянган фунт стерлингээр худалдаж, үүн дээр шимтгэл болон НӨАТ-ыг нэмж тооцоход 151,2 мянган фунт стерлингээр зарахаар болсон тухай Sotheby's-ийн албан ёсны төлөөлөгч мэдэгдэж байсан юм. Дуудлага худалдааны анхны үнэ 65 мянган фунт стерлинг байсан бол үнэ дуудах явцад хоёр дахин өссөн байна.

Автомашиныг борлуулсны орлогыг НҮБ-ын Хүүхдийн санд /UNISEF/ хандивлахаар төлөвлөж байжээ. Учир нь, тус сангийн үйл ажиллагааг Жон Леннон байнга дэмжин, хандив өргөж байв.

Austin Princess-ийг Их Британид 1956 онд үйлдвэрлэсэн бөгөөд Леннон түүнийг 1971 онд худалдан авчээ. Ленноны бодож төсөөлсний дагуу машин дотор нисэх онгоцны 5 ширхэг сандал суурилуулсан байна. 

Дээрх дуудлага худалдааны үеэр Ленноны гарын үсэг бүхий автомашины бүртгэлийн гэрчилгээг хамтад нь худалдахаар төлөвлөсөн байжээ.