ахим сүлжээгээр өчигдөр төрөх гэж буй эмэгтэйг эмнэлэгт рүү авч явсан түргэний эмч "машинд төрж болохгүй” хэмээж хоёр гуяыг нь хөх эрээн болтол чимхсэн гэх мэдээлэл цацагдсан. Үнэндээ ийм байж болшгүй явдалд итгэх хүн цөөхөн байсан юм. Гэвч уг хэрэг үнэн байжээ. Энэ сарын 27-ны өдөр 42 настай М төрөх өвдөлт өгч, улмаар Сонгинохайрхан дүүргийн түргэн дууджээ.

Дуудлага өгснөөс 30 минутын дараа түргэний эмч А ирсэн байна. Дуудлага өгсөн эмэгтэй 39-40 долоо хоногтой жирэмсэн байсан бөгөөд өвдөлт ихээр өгч байжээ. Тус эмэгтэйн охин О-гийн хамт түргэний машинаар Нийслэлийн Өргөө амаржих газар буюу 1-р төрөхөд хүргэгдэж иржээ. Ингэхдээ төрөх эмнэлэг явах замд хүчтэй өвдөлт өгч, түргэний эмчид хэлэхэд "Машинд төрөхгүй шүү тэвч” хэмээсэн байна.

 

 

Улмаар эмч өвдөлт сарниулж булчин суллаж байна гэх нэрийдлээр  эмэгтэйн гуя руу алгадан чимхэж эхэлсэн аж.  Хамт явсан охин"Ээж өвдөж байгаа шүү дээ, та боль л доо” гэхэд "Чи дуугүй бай. Булчинг нь чангалж байна. Харин чи цаад хөлийг  нь сайн түлх” гээд хоёр хөлийг нь хавчиж төрөлтийг зогсоохыг оролджээ. Ингээд 1-р төрөхөд хүргэгдэж үзлэгийн өрөөнд орж орон дээр гарахад хүүхдийн толгой аль хэдийнэ цухуйсан байсан гэнэ.  Хохирогчийн ар гэрийнхэнд үүнд тун гомдолтой байгаа аж. Тэгвэл Сонгинохайрхан дүүргийн 103 хариуцсан салбарын эрхлэгч Н.Нармандах  эмэгтэйн биеийн байдалтай танилцаж, уучлалт гуйсан байна. Түүнчлэн хөх няц болтол нь чимхсэн эмчид хариуцлага тооцохоор болсноос гадна хохирогчоос уучлалт гуйлгахаар болжээ.