Этиопт онц байдал зарлажээ
Засгийн газрыг эсэргүүцэгчдийн жагсаал хүчирхийлэл болж хувирсантай холбогдуулан Этиопийн Засгийн газар онц байдал зарлажээ.
Этиопийн Ерөнхий сайд Хайлемариам Десалень өнгөрсөн амралтын өдөр телевизээр ард түмэндээ хандан үг хэлэхдээ "ард олны аюулгүй байдлыг хангахын тулд онц байдал тогтоох хэрэгтэй байна” гэжээ.
Долоо хоногийн өмнө тус улсын өмнөд нутгийн Оромия мужид болсон жагсаалд оролцогчдын эсрэг цагдаа нар нулимс асгаруулагч хий цацсан юм. Үүний улмаас хүмүүс үймэлдэн гүйж, шахцалдан нэг нэгнийхээ дээрээс дарж унасны улмаас 50 гаруй хүн амиа алдсан билээ.
Оромочууд бол Этиоп дахь үндэстний цөөнхийн хамгийн том бүлэг юм.
Засгийн газрын зүгээс өөрсдийг нь хавчин гадуурхдаг гэж тэд үзэн эсэргүүцлээ илэрхийлж байна.
Сэтгэгдэл байхгүй байна.