Орон нутгийн сонгуульд Баянзүрх дүүргийн 27 дугаар хороонд Ц.Элбэгдоржийн хүү Э.Эрдэнэ нэр дэвшсэн. Тэгвэл урьдчилсан дүнгээр Э.Эрдэнэ ялалт байгуулсан гэх мэдээлэл байна.

 

Э.Эрдэнэ нэр дэвшсэн хорооныхоо иргэдэд юу амласанд анхаарал хандуулъя. Тэрбээр:

Гэр хорооллын гудамж, зам талбайг засч сайжруулах

• Олон нийтийн гудамж талбайг гэрэлтүүлэх, гэр хорооллыг барилгажуулах
• Хоггүй цэвэр орчныг бүрдүүлэх
• Архидалттай тэмцэх, ажилгүйдлийг бууруулах
• Сургууль, цэцэрлэгийн хүртээмжийг нэмэгдүүлэх
• Өрхийн эрүүл мэндийн үйлчилгээний чанарыг сайжруулах
• Ахмадуудынхаа чөлөөт цагийг өнгөрүүлэх төвийг байгуулах
• Эмзэг бүлгийн иргэдийнхээ нийгмийн баталгааг хангах
• Хороогоо аж ахуй зохион байгуулалтын хувьд бэхжүүлэх гэхчлэн цөөнгүй зүйлийг хийж, хэрэгжүүлэхэд анхаарна гэж сонгогчдод амласан аж.

Тэгэхээр Ерөнхийлөгчийн хүү хэлсэндээ хүрэх эсэхээ ирэх дөрвөн жилд харуулах хэрэгтэй боллоо.