Солироор сүйт бүсгүйдээ бөгж урлав
Reddit сайт дээр chadmanx гэдэг нэрээр бүртгэлтэй Нью-Йорк хотын оршин суугч нэгэн эр дэлхий дээр унасан солирын хэлтэрхийг худалдаж аваад түүгээрээ өөрийн найз бүсгүйд зориулж бөгж хийсэн байна. Хийсэн ажлынхаа үр дүн бүхий дүрс бичлэгийг тэрбээр Imgur сайт дээр байршуулжээ. Мань хүн зургаан жилийн туршид үерхэж байгаа хайртай бүсгүйдээ өөрийн гараар урласан нэгэн онцгой зүйлийг бэлэглэхээр шийдсэн гэнэ.
120 грамм жинтэй солирын хэлтэрхийг 140 доллараар худалдаж авсан энэ эр "Би үнэт эдлэлийн дэлгүүрт очоод 2000 доллараар бөгж худалдаж авахыг хүсээгүй. Би түүнийг өөрийн гараар урлахаар шийдсэн” хэмээн мэдэгджээ. Бөгж нь тийм ч гоё болоогүй ч гэсэн түүний найз бүсгүй бэлгийг нь үнэлээд, солироор хийсэн бөгжийг нь үргэлж зүүж явна гэдгээ андгайлсан гэнэ шүү.