Гэсэн ч АСЕМ-ын бэлтгэл ажлын хөрөнгөнөөс мөнгийг нь гаргахыг зөвшөөрчээ. АСЕМ-ын гэх дуусашгүй мөнгө хөрөнгө энэ яаманд бялхсаар байна. Өмнө нь манай сайт АСЕМ-ын бэлтгэл ажилд зорилж Хятадаас 60 тонн чингэлэг тавилга ирсэнийг, өдгөө хадгалалтын зардалд нь яам сард 16 сая гаруй төгрөгийг хувийн компанид төлдөг тухай мэдээлж байсан. Хэрвээ тэр олон чингэлэгийг залхууралгүй ухаж үзвэл 20 байтугай ширхэг хаалга гарч ирж ч магадгүй. Энэ яамны 1,2-р давхрын бүх хаалга ташраараа "муудсан” тухайд хөгжилтэй яриа дэгджээ. ДҮБААГ-ын харьяа гэх "Дипломат 95 " цогцолбороос 60 байрыг яамныхан үнэгүй тараах нь гэх сургаар бүгд уралдан гарах гээд хаалгаар багтахгүй чихцэлдсэнээс хаалганууд нь салж унах шахсан гэнэ. Мөн байр авсан нь баярласандаа, аваагүй нь уурандаа хаалга савсаар яажийсан гэх юм. Өдгөө сайдын албан бичигт нэр нь гарсан Санхүү эдийн засгийн хэлтсийн дарга Б.Батбаатар л гэхэд АСЕМ-ыг сурвалжилах мянган сэтгүүлчийг байрлуулах нэрээр түрээслэгчдийг нь хөөн гаргасан "Дип-95”-д энэ намрыг хүртэл хүчийг үзүүлэн ганцаараа шахуу амьдарч байсан. Харин байр авсан яамны дарга нар хэл амнаас болгоомжилон өөрсдөө оролгүй түрээслүүлж ашиг олж байгаа гэнэ. Бүгдээрээ шахуу 2-3 байртай тул шинээр авсан байраа бушуухан зарж чулуу болгоод чимээгүйхэн салах санаатай аж.

 

 

 

NUUTS.mn